ГлавнаяУслугиБизнес услуги › Юридические услуги

Գույքի բաժանում

Գույքի բաժանման խնդիրը առաջանում է ինչպես ամուսինների, այնպես էլ հարազատների միջև, եթե գույքը ձեռք է բերվել համատեղ ամուսնության ընթացքում կամ օրենքով սահմանված այլ հիմքերով։ Այսպիսով, գույքի նկատմամբ ընդհանուր սեփականության իրավունքը առաջանում է այն դեպքում, եթե գույքը գտնվում է երկու կամ ավելի անձանց սեփականության ներքո։
Հարազատների միջև հաճախակի առաջանում են վեճեր, ինչը սովորաբար ավարտվում է դատական կարգով գույքի բաժանմամբ։ Սակայն պետք է հաշվի առնել, որ ոչ բոլոր գույքերը հնարավոր է բնեղենով բաժանել, ինչը պարզվում է միայն մասնագիտական փորձաքննության արդյունքում։ Եվ այդ պարագայում Դատարանը կարող է որոշել, գույքը հրապարակային սակարկություններով վաճառելու մասին` Ստացված գումարը հետագայում բաշխելով ընդհանուր սեփականության մասնակիցների միջև` Նրանց բաժիններին համաչափ: Իսկ, ինչպես հայտնի է, այդ եղանակով գույքը վաճառվում է շուկայականից շատ ավելի ցածր գներով, ինչի արդյունքում տուժում են բոլոր բաժնային սեփականատերերը։
Այդ իսկ պատճառով, բոլոր կողմերը պետք է ձգտեն գալ ընդհանուր հայտարարի և, կամ համատեղ վաճառեն իրենց գույքը, կամ մեկը մյուսին փոխհատուցում վճարեն, իսկ եթե մի սեփականատիրոջ բաժինն աննշան է, չի կարող իրապես առանձնացվել և ընդհանուր գույքի օգտագործման մեջ այդ սեփականատերն էական շահ չունի, ապա նաև դատարանը կարող է այդ սեփականատիրոջ համաձայնության բացակայության դեպքում բաժնային սեփականության մյուս մասնակիցներին թույլատրել վճարելու փոխհատուցում:
Դիմեք «ԼԵՔՍ ԸՆԴ ՋԱՍԹԻՍ» ընկերության փաստաբաններին, որոնք, ուսումնասիրելով գործը, կտան ճիշտ խորհուրդներ և բանակցելով հակառակորդ կողմի հետ կփորձեն արտադատական կամ դատական կարգով լուծել խնդիրը ի նպաստ Ձեզ։
© 2005-2019 List.am