Գրասենյակային տարածք, Արա Հարությունյան փողոցի 1-ին նրբանցք Նորք Մարաշում, 540 քմ

Եթե ունեք 50 հոգանոց թիմ և փնտրում եք երանելի աշխատավայր, ապա այս հայտարարությունը ձեզ համար է։ Պատրա՞ստ եք վճարել $5000 ամսական և տերը դառնալ մի ահռելի շինության` Իր հյուրատնով: Քաղաքի մեջ, բայցև բնության գրկում։

Նորք Մարաշ թաղամասում է գտնվում գրասենյակի համար վերակառուցված այս 4 հարկանի շենքն իր այգով, որը մեզ բերել է մեծ հաջողություններ։ Այն գլխավոր` 8րդ փողոցից (Արմենակյանի շարունակությունը) գտնվում է ընդամենը 120մ հեռավորության վրա։ Առկա է եռաֆազ հոսանք, գազ, կոյուղի և խմելու ջուր։ Շենքում տեղադրված է անվտագության համակարգ, տեսախցիկներ, հակահրդեհային ազդանշանային համակարգ։ Դրսի դուռն ունի էլեկտրական փական։ Ջեռուցվում է երկու գազի կաթսաներով, տեղադրված են օդորակիչներ։ Շենքն ունի նաև հոսանքի գեներատոր և իտալական արտադրության ջրի մինի պոմպակայան։
Շենքի ընդհանուր մակերեսը 540 ք․մ է նախատեսված մինչև 50 հոգու համար, այգունը՝ 400 ք․մ, հողի ընդհանուր մակերեսը՝ 565 ք․մ:

Այս տարիներին մենք կուտակել ենք բազում ջերմ հիշողություններ թե թիմային ժամանցի ու խաղերի, թե ուրախ աշխատանքային առօրյայի:
Ետ նայելով հասկանում ենք, որ մեր թիմի հաջողության գրավականներից մեկն էլ հենց ինքը շենքն ու այգին են՝ իրենց ջերմ անկյուններով, հիասքանչ տեսարանով, քաղաքի կենտրոնին շատ մոտ, բայց եռուզեռից կտրված դիրքավորմամբ:
Այստեղ թիմը դառնում է աշխատանքային ու ընկերական հզոր ուժ, որը պատրաստ է շուռ տալ աշխարհը: Իդեալական է հատկապես բարձր տեխնոլոգիաների, ինժեներական ոլորտի ընկերությունների համար, քանի որ առկա են ինչպես մեծ սենյակներ open space ձևաչափով, այնպես էլ առանձին աշխատասենյակներ և հանդիպումների սենյակներ։

Թիմակիցներին հատկապես ոգևորում է լրացուցիչ փոքր հարմարությունները, որոնք շրջապատում են իրենց այստեղ․

• Բարեկարգ ու գեղեցիկ այգին, որը ճիշտ այնքան է, որ տա այնտեղ շրջելու, թզի, նուշի, պնդուկի ու այլ պտուղներից օգտվելու հաճույքը, բայց չբերի իրեն մշակելու էական չարչարանքի։
• Կիսանկուղային հարկի թենիսի ու բիլիարդի խաղային հատվածը։
• Այգու բացօթյա խոհանոցը` Կահավորված խորովածի քարե կրակարանով (մանղալով) և թոնրով։

Բացօթյա փայտե զրուցատեղին, որը հյուրընկալում է մինչև 24 մարդ և կահավորված է էլեկտրականությամբ, լուսավորությամբ և ջրային հովացման համակարգով։

• Այգում գտնվող բոլորովին նոր վերանորոգված և կարմիր տուֆով երեսպատված հյուրատնակը, հարմարավետ կահավորված մեկ հոգու համար ննջասենյակով, լոգասենյակով և փոքրիկ խոհանոցային անկյունով։ Այն կարող է ծառայել թիմակիցների հանգստի, հյուրերի կամ կոմերցիոն նպատակով` Որպես Airbnb-ում օրավարձով տրվող սենյակ, որը կապահովի օրական առնվազն $15 + եկամուտ։
• Առաջին հարկում գտնվող ընդարձակ սրահի քարե կամինը, որը ջերմացնում է թիմային երեկոները։
• Երրորդ հարկի ընդարձակ սենյակի ողջ երկայնքով ձգվող լուսամուտներից բացվող Երևանի համայնապատկերը, որը ափիդ մեջ է բերում առավոտյան արթնացող քաղաքը և երեկոյան լույսերի եռուզեռը։
• Ընդարձակ խոհանոցը` Կահավորված և հարմարեցված թիմային համատեղ ընդմիջումների համար։
• Առաջին և երկրորդ հարկերի բաց ու հյուրընկալ պատշգամբները, ինչպես նաև հյուրատնակի հարթ տանիքը իդեալական են աշխատանքից առաջ թռչունների ձայների ներքո մեկ բաժակ սուրճ կամ թեյ վայելելու համար։
• Տարածքում հնարավորություն կա կայանել մինչև 6 մեքենա, որից երեքը ընդարձակ ավտոտնակում։ Շրջակա տարածքում կարելի է կայանել ևս 15 մեքենա առանց դժվարության (սեփական պարսպի ձևափոխումը թույլ կտա ևս 4 մեքենա կայանել) ։

Ընկերության տեսանկյունից՝ վճարելով ընդամենը վարձակալության գին, ձեռք եք բերում սեփական գույք։ Հաշվարկը շատ պարզ է, ու հենց դա մեզ գերեց, որ տարիներ առաջ ձեռք բերենք այն ու վերակառուցենք որպես գրասենյակ։
Այս գույքի գնի վարկի բանկային ամսական մարումը համադրելի է նմանատիպ տարածքի ամսական վարձակալությանը։
Գույքը հնարավորություն է տալիս եղած 541 ք․մ շենքի մակերեսը հեշտորեն ընդլայնել ևս 70 ք․մ մակերեսով, որը թույլ կտա տարածքը ավելացնել ևս 14 հոգու համար։
Մյուս կողմից, եթե ձեր թիմը դեռ փոքր է, ապա կարող եք առանձնացված մուտքով, 23 ք․մ բաց պատշգամբով և 44 ք․մ open space տարածքով նախատեսված 15 հոգու համար հատվածը առանձին վարձակալության հանձնել, ակնկալելով ~$500 եկամուտ, որն էլ ավելի կնվազեցնի ձեր ամսական վճարումները։
Նկարներում ներկայացրել ենք շենքի հարկերը և հատվածները/սենյակները ըստ առաջարկվող կիրառությունների։ Ներկայացվածը հնարավոր օգտագործման օրինակներից ընդամենը մեկն է, բայց թույլ է տալիս լավ պատկերացնել, թէ ինչպես կարող եք դասավորել կահույքը և օգտագործել տարածքները ձեր նպատակներին առավելագույնս բավարարելու համար։
Ավելին` Վճարելով վարձակալությանը համարժեք գումար, ու ստանալով սեփական գույք, հետագայում էլ հնարավորություն կունենաք վաճառելու այն ու ստացված գումարը բիզնեսի մեջ ներդնելու, ինչպես անում ենք մենք հիմա:)