Առևտրային տարածք, Ohanov St Մալաթիա Սեբաստիայում, 270 ք.մ.

Հարգելի գործընկերներ,

Ցանկանում ենք ձեզ տեղեկացնել, որ Օհանով 1 հասցեում գտնվող կոմերցիոն բնույթի անշարժ գույքը պատրաստ է հանձնվել վարձակալության՝ երկարաժամկետ համագործակցության նպատակով։
Գույքը զբաղեցնում է հինգհարկանի շենքի առաջին և նկուղային հարկերը՝ համապատասխանաբար 150 և 120 ք/մ ընդհանուր մակերեսով։

Տարածքն ունի երկու առանձին մուտք՝ փողոցի և բակի կողմից, որոնց հանդիպակաց գոտիներում առկա են ընդարձակ ավտոկայանտեղիներ՝ փողոցի կողմից մինչև 20 ավտոմեքենա կայանելու հնարավորությամբ։
Ցանկանում ենք շեշտել, որ ներկայումս տարածքը գտնվում է զրոյական վիճակում, սակայն այն պատրաստ է հանձնվել շահագործման թե առկա վիճակով և թե ձեր կողմից հաստատված արտաքին և ներքին դիզայնով համապատասխան շինարարական աշխատանքները կատարելուց հետո՝ հասնելով փոխշահավետ լավագույն պայմաններին։

Որպես հավելյալ տեղեկություն՝ ցանկանում ենք նշել, որ գույքը զբաղեցնում է բավական շահեկան դիրք՝ գտնվելով Շերամ և Օհանով փողոցների հատման կետում, իր հերթին գտնվելով դեպի “Հաղթանակ” թաղամաս տանող ամենաբանուկ ճանապարհին բավական մոտ, ինչն էլ ապահովում է վերջինիս բնակիչների ակտիվ շարժը շրջակայքում։

Հարկ ենք համարում նշել, որ Օհանով փողոցը գտնվում է Ա1 և Ա2 թաղամասերի միջնամասում, որոնք իրենց հերթին շատ խիտ բնակեցված մարդկային ակտիվ շարժով թաղամասեր են։ Փողոցի ամբողջ երկայնքով տեղակայված են ակտիվ շարժ ապահովող կոմերցիոն բնույթի այլ շինություններ՝ դեղատներ, խանութներ, սննդի կետեր, “Yerevan City” սուպերմարկետ։