Սև քունջութի սառը մամլման յուղ/Масло черного кунжута сыродавленное/Black sesame oil cold pressed - 100մլ

4,000 ֏ 4,000 ֏

$10 959 ₽

Տեղեկություններ ապրանքատեսակի վերաբերյալ

Վիճակ

Նոր

Նկարագիր

Քունջութի յուղի օգտակարության և կիրառման մասին

Քունջութի յուղը հարուստ է մի շարք օգտակար նյութերով՝ մագնիում, երկաթ, պղինձ, ցինկ, կալցիում, A, E, B6 վիտամիններ, ինչի արդյունքում արդյունավետորեն լավացնում է.

• ճարպային փոխանակությունը
• արյան շրջանառությունը
• մարսողությունը
• ամրացնում է իմունիտետը
• երիտասարդացնող ազդեցություն է ունենում։

Ճարպաթթուների մեծ պարունակության շնորհիվ քունջութի յուղը կարգավորում է արյան ճնշումը։ Բացի այդ՝ քունջութի յուղը պարունակում է հակադեպրեսանտ նյութեր, որոնց շնորհիվ բարձրանում է տրամադրությունը և լավանում ինքնազգացողությունը։
Ինչպես մյուս բոլոր յուղերի դեպքում, քունջութի յուղի կիրառումը նույնպես չի կարելի չարաշահել։ Օրվա ընթացքում կարող եք մինչև մեկ թեյի գդալ քունջութի յուղ օգտագործել՝ այն ավելացնելով աղցաններին, բանջարեղենին, շիլաներին։ Ցանկալի է օգտագործել առանց բարձր ջերմային մշակման և չօգտագործել տապակելու նպատակով։

Սննդում օգտագործելուց բացի, քունջութի յուղը շատ արդյունավետ կոսմետիկ միջոց է։

Ստորև ներկայացնենք կիրառման մի քանի եղանակ։

Դեմքի համար։ Քունջութի յուղը կարող է օրգանիզմից դուրս բրել տոքսինները, սնուցել և մաքրել մաշկը։ Գերադասելի է օգտագործել քնելուց առաջ։ Քունջութի յուղը քսեք դեմքին, 30 րոպե անց լվացեք տաք ջրով, չորացրեք։

Մերսում անքնության դեպքում։ Եթե տառապում եք անքնությամբ, քնելուց առաջ լոգանք ընդունեք, քունջութի յուղը մի փոքր տաքացրեք և մերսեք ոտքերը։

Մերսում ամբողջ մարմնի համար։ Մեկ ճաշի գդալ յուղը տաքացրեք և մերսեք մարմինը։ 15-20 րոպե անց տաք ջրով լոգանք ընդունեք։ Այս յուղով մերսումը կերիտասարդացնի մաշկը, մկաններին էլաստիկություն կհաղորդի և կամրացնի ոսկորները։ Բացի այդ, շատ լավ ազդեցություն կունենա նյարդային համակարգի վրա։

Հոդացավերի դեմ։ Մի փոքր տաքացրեք յուղը, քսեք ցավող հատվածին, թողեք 20 րոպե, մաքրեք խոնավ սրբիչով։ Կրկնեք շաբաթվա ընթացքում 2-3 անգամ։

Մազաթափության դեմ։ Մազերն ու եղունգները կարելի է ամրացնել քունջութի յուղի օգնությամբ, քանի որ այն մեծ քանակով կալցիում և այլ օգտակար նյութեր է պարունակում։

Կարելի է ընդունել թեյի գդալ՝ առավոտյան և երեկոյան
Կարելի է քսել եղունգներին և մազարմատներին
Կարելի է գոլ վիճակում քսել մազերին, 2 ժամ փաթաթել սրբիչով և հնարավորության դեպքում ընթացքում թեթև մերսել գլուխը

Բերանի խոռոչի ողողում։ Սա կօգնի նվազեցնել բակտերիաների քանակը, որոնք լնդերի բորբոքման պատճառ են դառնում, իսկ կալցիումը կօգնի ամրացնել ատամները, կանխարգելել կարիեսի և պարոդոնտոզի առաջացումը։

Բերանն ամեն օր քունջութի յուղով ողողելու դեպքում, կարելի է կանխարգելել ոչ միայն բերանի խոռոչի, այլև քթի, կոկորդի և ականջների տարատեսակ հիվանդություններ։
Ողողումներն անհրաժեշտ է անել ամեն օր՝ ատամները լվանալուց հետո: Այդ նպատակով տաքացնում են 1 ճաշի գդալ քունջութի յուղն այնքան, որ չվառի, ողողում են բերանը 2-3 րոպե, թափում, որից հետո նորից ողողում են թույլ աղաջրով։

Այրվածքներ և թարախաբշտեր/ֆուրունկուլներ։ Հավասար չափաբաժիններով խառնել լիմոնի հյութի հետ և դնել այրվածքների և ֆուրունկուլների վրա։

ՀԱԿԱՑՈՒՑՈՒՄՆԵՐ

Կարող է լուծ առաջացնել։

Չի կարելի օգտագործել ընդեղենի, սերմերի և յուղերի հանդեպ ալերգիաների դեպքում
Բարձրացնում է արյան մակարդելիությունը։ Հակացուցված է տրոմբոզով հիվանդներին։

Բուժական նպատակներով օգտագործելուց առաջ անհրաժեշտ է խորհրդակցել բժշկի հետ։

Նյութը պատաստվել է ՀԻՐԻԿ-ի կողմից։ Օգտագործելու դեպքում նշումն անհրաժեշտ է։