Հոգեբան / Hogeban / Գագիկ Մեծրիցյան

Հարգելի այցելու, իմ կողմից մատուցվող հոգեբանական ծառայության պայմաններն այնպես են ինչպես նշված է այս հայտարարության մեջ:

Գագիկ Մեծրիցյան
Gagik Metsritsyan
(հոգեբան)

43 տարեկան եմ
Ամուսնացած եմ

«Զարթոնք» հոգեբանական կենտրոնի հիմնադիր և տնօրեն

2000-2006 թթ սովորել և ավարտել եմ ԵՊՀ
Փիլիսոփայության և հոգեբանության ֆակուլտետի հոգեբանություն բաժինը:

Մասնագիտությամբ ՝ հոգեբան:

2006 - 2008 թթ վերապատրաստվել եմ ՆԼԾ (NLP) և Էրիքսոնյան հիպնոսի ուղղությամբ:
Պրակտիկ գործունեությամբ սկսել եմ զբաղվել 2009 թվականից:

Անցկացնում եմ ՝
1. Հոգեբանական խորհրդատվության (կոնսուլտացիա)
2. Առցանց հոգեբանական խորհրդատվություն (կոնսուլտացիա)
2. Հոգեկարգավորման, հոգեթերապևտիկ սեսսիաներ (հանդիպում) :

Հոգեբանական խնդիրն անձի ներաշխարհի այն վիճակն է, որը բնորոշվում է իրավիճակային կամ տևական հավասրակշռության խախտմամբ: Արտաքուստ այն կարող է դրսևորվել վարքի, խոսքի, շփման, մտածողության, հուզականության անսովոր փոփոխությամբ:

ՕՐԻՆԱԿ ՝ ՎԱԽ փակ տարածությունից (Կլաուստրոֆոբիա) :
Առօրյա դրսևորումը՝
1.մարդը վախենում է օգտվել վերելակից
2.մարդը վախենում է մենակ մնալ սենյակում և այլն:
Հոգեբանական խնդիր, որը դժվարացնում է մարդու առօրյան, առավել բարդ դեպքերում՝ խաթարում այն:

Առաջացման պատճառներից մեկը կարող է լինել այն, որ մանկական տարիքում պատժել են՝ նրան փակելով սենյակում: Արդյունքում անձը, երբ մտածում է վերելակից օգտվելու մասին՝ սրտի զարկերն սկսում են արագանալ, շունչը կտրվել և ունենում է վախի զգացում:

Վախը մարդու բնածին հույզերից է, որն անձի բնականոն զարգացման գործընթացում անհրաժեշտ է և նրան պաշտպանում է վտանգներից:

Իսկ երբ՝

1.դաստիարակության (ընտանիք, կրթական հաստատություն և այլն)
2.ապրելակերպի (սովորություններ, ընտանեկան փոխհարաբերություն և այլն)
3.մշակույթի, կրոնի (պատժող գերբնական ուժ և այլն)
4.վերը նշվածի կտրուկ կամ երկարատև բացասական փոփոխության արդյունքում
մարդու մոտ խախտվում է այդ հույզի բնականոն դրսևորումը և սկսում է ստանալ ֆիքսված և ուռճացված արտահայտվածություն, որի դեպքում կարող է առաջ գալ ՝
1.վախ քննադատությունից
2.վախ բարձրությունից
3.վախ մահվանից և այլն:

Հոգեբանական խնդիրների խորացումը կարող է հանգեցնել հոգեկան վիճակի խանգարման (մասնակի հիվանդագին վիճակ) և հիվանդության
(խորը հիվանդագին վիճակ) երբ առաջ են գալիս լուրջ հոգեֆիզիոլոգիական փոփոխություններ: Այն հիմնականում պայմանավորված է մարդու՝

1.անձնային առանձնահատկությամբ
2.տվյալ իրավիճակի առանձնահատկությամբ
3.ֆիզիկական առողջությամբ
4.գենետիկ նախատրամադրվածությամբ
5.միջավայրի առանձնահատկությամբ, որում գտնվում է անձը:

Միասին կարող ենք բարելավել Ձեր հոգեվիճակը՝ լուծելով Ձեր հոգեբանական խնդիրները՝

1. Վախեր (օրինակ՝ վախ բարձրությունից, փակ տարածությունից և այլն)
2. Կոնֆլիկտներ (օրինակ՝ ընտանիքի անդամների հետ, աշխատակիցների հետ և այլն)
3. Կպչուն բացասական մտքեր (կասկածամտություն և այլն)
4. Կպչուն զգացողություններ (խանդ և այլն)
5. Կպչուն վնասակար սովորություններ (ծխախոտամոլություն, ալկոհոլամոլություն և այլն)
6. Ինքնագնահատականի խնդիրներ (ցածր ինքնագնահատական և այլն)
7. Շփման խնդիրներ (ինքնամփոփություն և այլն)
8. Տագնապ (տագնապային մտքեր, տագնապի զգացողություն)
9. Սթրես (հաճախակի նյարդային լարված վիճակներ)
10. Վնասակար սովորություններից կախվածություն (թմրամոլություն, ալկոհոլից կախվածություն)
և այլն:

Աշխատանքի ընթացքում կիրառում եմ ՆԼԾ (նեյրոլինգվիստիկ ծրագրավորում) և Էրիքսոնյան հիպնոսի
ԵՒ թերապևտիկ այլ տեխնիկաներ, որոնք ընդունելի են հոգեբանների հանրույթի կողմից:

Մեկ հանդիպման տևողությունը՝ 1 ժամ
Մեկ հանդիպման արժեքը ՝ 13 000 ՀՀ դրամ
Հանդիպմանը մասնակցում են միայն հոգեբանը և այցելուն:

ՓՈՓՈԽՈՒԹՅՈՒՆ - Հարգելի այցելու, վերանայել եմ հոգեբանական սեսսիայի արժեքը, և հունիսի 15 - ից սկսած այն կազմում է 13 000 ՀՀ դրամ մեկ սեսսիայի համար (նախկին 7 000 դրամի փոխարեն) :

ՄԵԿՆԱԲԱՆՈՒԹՅՈՒՆ - Տարիներ շարունակ հոգեբանական մեկ սեսսիայի արժեքը անփոփոխ եմ պահել և կազմել է 7 000 ՀՀ դրամ, իսկ այժմ գնային փոփոխությունը պատճառն այն է, որ

1. Շարունակ մասնակցում եմ մասնագիտական վերապատրաստումների (այն ենթադրում է ֆինանսական ներդրումներ)
2. Մասնագիտական դաշտում 7 000 դրամը համեմատաբար ցածր արժեք է մեկ սեսսիայի համար, և որոշ դեպքերում այցելուների կողմից պատշաճ արժեվորման խնդիր եմ նկատել:

Նշված խնդիրների լուծման համար ժամանակ չի նշանակավում, այն անհատական է և պայմանավորված է Ձեր՝

1.խնդրի բարդության ասիճանով
2. Անձնային առանձնահատկություններով
3. Հաճախելիությամբ:

Հոգեբանական խնդիրների լուծման գործընթացում մասամբ պատասխանատու է այցելուն, մասամբ՝ հոգեբանը:

Խնդրի կարգավորման համար այցելուից ակնկալվում է ՝
1.գիտակցել իր խնդիրը
2.ցանկանալ, լուծել իր խնդիրը
3.լինել պատրաստակամ հոգեբանական աշխատանքին ի սկզբանե
4.գիտակցել և ընդունել իր խնդիրների լուծման պատասխանատվությունը
5.համագործակցել հոգեբանի հետ:

Խնդրի կարգավորման համար հոգեբանից ակնկալվում է՝
1. Ծանոթանալ այցելուի խնդրին
2.գիտակցել և ընդունել իր մասնագիտական կոմպետենտության աստիճանը
3.այցելուին հասկանալի ներկայացնել խնդրի բնութագիրը
4.գիտակցել և ընդունել իր պատասխանատվությունը
5.այցելուին ներկայացնել կիրառվող հոգեբանական մեթոդները
6.այցելուին ներկայացնել և նրա հետ համաձայնեցնել թերապիայի պայմանները:

Հանդիպումների ինտենսիվությունը որոշվում է շաբաթական 1-3 անգամի սահմաններում:

Հոգեբանի մասնագիտական բնութագիրը:
Գործնականում (практика) հոգեբանը մասնագետ է, ով կարող է հոգեբանական աջակցություն ցուցաբերել (օգնել) հոգեբանական բարդ իրավիճակներում և անցանկալի հոգեբանական վիճակ ունեցող մարդկանց՝ հոգեբանական զրույցի միջոցով:

Ինձ հետ կարող եք կապվել վերը նշված հեռախոսահամարով կամ

Ֆ. Բ. - Gagik Metsritsyan
Էլ. Փ. - hogeban.gm@gmail.com

Հասցե՝ Իսահակյան 18