Հյուրատուն, Հանգիստ, Հյուրանոց, Տուրիզմ, Լոռի, Ալավերդի, Օրավարձով, Օրավարձով տուն

Առաջարկվում է ինչպես ընտանեկան, այնպես էլ գերլարված աշխատանքային գրաֆիկով անձանց համար նախատեսված հանգիստ՝ Լոռվա գողտրիկ բնության գրկում՝ Շնող գյուղում և դրա հարակից անտառածածկ տարածքներում: Ինդիվիդուալ մոտեցում յուրաքանչյուր հաճախորդի նկատմամբ: Հյուրատունը տեղակայված է 20 կմ. Հեռավորության վրա Բագրատաշենի սահմանային անցակետից: Լոռու մարզի Շնող գյուղում: Շատ հարմար է Վրաստան մեկնող անձանց համար, ինչպես նաև Լոռվա տարածաշրջանի զբոսաշրջիկների համար: Հյուրանոցից եկեղեցիների հեռավորությունը դեպի Դսեղ 35կմ., Քոբայր 28կմ., Օձուն 25կմ., Սանահին 20կմ., Հաղպատ 17կմ., Ախթալա 5կմ.: Կազմակերպվում են նաև նշված եկեղեցիների այցելություններ մեր մեքենաներով: Շրջագայություններ անտառային տարածքներում՝ գիշերակացով՝ փայտե տնակներում: Մեկ անձի համար հյուրատան գիշերավարձը նախաճաշով կազմում է 12.000 ՀՀ դրամ: Սպասվում են հետաքրքիր անակնկալներ: Հավելյալ վարձավճարների դիմաց կազմակերպվում են ճաշ և ընթրիք բնության գրկում գետակի ափին: Ընձեռնվում են հնարավորություններ գյուղական սննդամթերքների պատրաստմանն անձամբ մասնակցելու համար, անտառում զբոսնելու ժամանակ բնական բարիքներ հավաքելու և դրանք տեղում պահածոյացնելու և վերցնելու, օղու թորմա գործընթցներին, ինչպես նաև հացի և քաղցրավենիքների պատրաստման համար: Մինչև 8 տարեկան երեխաների մուտքը անվճար, 8-13 տարեկաններին՝ կես գին: Հնարավոր է կազմակերպել ձկնորսություն և ձիերով արշավ: Հյուրատունը հագեցած է օդորակիչներով, սառնարաններով և սմարթ հեռուստացույցներով: Առկա է տաք և սառը ջուր յուրաքանչյուր սենյակում:
Փաթեթներից օգտվելու ժամանակ անձը այլ որևէ ֆինանսկան ծախսեր չի կարող ունենալ: Ալկոհոլային խմիչքները, քաղցրավենիքն ու մրգերի տեսականին ներառված են:
1. Գիշերակացն անտառում՝ մեկ անձի համար 25.000 ՀՀ դրամ, մինչև 12 տարեկան երեխաներն անվճար: Ներառում է նախաճաշ, ճաշ և ընթրիք բնության գրկում, բնական աղբյուրների մոտ, գիշերային խարույկ և այլ հետաքրիր տեսարժան վայրերի այցելություն, էքսկուրսիաներ՝ հատապտուղների և սունկ հավաքելու համար: Տեղափոխումը կատարվում է մեր կողմից: Տրամադրվում են ալկոհոլային խմիչքներ՝ տնական օղի, տնական գինի և Ալավերդու գործարանի գարեջուր՝ անսահմանափակ: Ճաշացանկը ներառում է տնական հավի, խոզի, գառի և տավարի մսից Ձեր նախընտրությամբ պատրաստված ցանկացած տաք ուտեստ, տնական կաթնամթերք, հնարավորություն է ընձեռնվում մասնակցելու դրանց պատրաստման գործընթացին, հաց թխելու արարողությանը: Ինչպես նաև պատրաստվում են միայն տարածաշրջանի բնակչությանը հատուկ բաղադրատոմսերով ուտեստներ: Ցանկացողների համար լրացուցիչ 50.000 ՀՀ դրամի դիմաց հրավիրվում է կենդանի երաժշտություն՝ դհոլ, կլարնետ, ակարդիոն և ազգագրական երգերի կատարող: Տևողությունը՝ 24 ժամ:
2. Կազմակերպվում են ճանաչողական տուրեր տարածքում գտնվող՝ Օձունի, Սանահինի, Հաղպատի և Ախթալայի եկեղեցիներ: Արդվի գյուղում գտնվող Հովհան Օձնեցու դամբարան՝ մեկ անձի համար՝ 15.000 ՀՀ դրամ: Տեղափոխումը իրականացվում է մեր կողմից, ճանապարհին տրվում է ճաշ: Տևողությունը՝ 10:30-ից 19:00: Նաև հաճելի անսպասելի անակնկալներ:
3. Էքստրիմալ տուրեր անտառներով, ամենագնաց մեքենաներով Շնողից՝ Ծաղկաշատ գյուղ՝ 35 կմ. ՝ մեկ անձը՝ 25.000 ՀՀ դրամ տևողությունը 8 ժամ, և Դսեղ գյուղ՝ 65 կմ. Մեկ անձը՝ 35.000 ՀՀ դրամ՝ տևողությունը 12 ժամ: Հաճելի զգացողություններ, Ճանապարհին տրվում է ճաշ և ընթրիք բնության գրկում: Այցելություն Կարոյի և Մարոյի գերեզման, Թումանյանի տուն թանգարան և Դսեղի Լճեր:
4. Որպես էքսկլյուզիվ տարբերակ առաջարկվում է Վիրահայոց լեռնաշղթայի ամենաբարձր գագաթի՝ Լալվար սարի ստորոտին տեղակայված 7-8-րդ դարերի կառույց հանդիսացող՝ ՙՙԼալվարի Կուսանոցի՚՚ այցելություն: Այս վայրը որևէ տուրիստական ընկերություն չի կարող առաջարկել՝ տեղակայման վայրը չիմանալու պատճառով: Տուրը ներառում է հետաքրքիր ճանապարհորդություն անտառածածկ ճանապարհներով, շուրջ 3,5 կմ. Քայլարշավ՝ բնական գետակների և աղբյուրների ուղեկցությամբ: Տրվում է ճաշ և ընթրիք, ինչպես նաև ծովի մակարդակից 2.300 մետր բարձրությունից գիշերային Թբիլիսի քաղաքի լուսավորությամբ զմայլվելու բացառիկ հնարավորություն: Գինը՝ մեկ անձի համար 40.000 ՀՀ դրամ: Տևողությունը՝ 15 ժամ:
5. Կարող են կյանքի կոչվել նաև էկոտուրիզմի հետ կապված ցանկացած կամակոր մտահղացում: Լիարժեք ներդաշնակ հանգիստն ապահովված է:
Սակագները չեն ներառում հյուրատան գիշերակացի վճարը:
Սիրով սպասում ենք: