Պեկինեսները ընտանիքի հիանալի ընկեր և շոու շներ են, որոնք արժանապատվորեն և հարգանքով ողջունում են ցանկացածին

Շունը 1 տարեկան է, բոլոր պատվաստումները անցել է, բացարձակապես չկան ոչ մի տեսակի հիվանդություններ, ու խնդիրներ շան հետ կապված։

Պեկինեսները դարեր շարունակ բազմացվել են՝ լինելով Չինաստանի կայսերական ընտանիքի ընկերը:

Չինական լեգենդի համաձայն՝ առյուծը մի անգամ սիրահարվում է մարմոսեթի՝ կապիկի մի տեսակի: Իր սիրո հետ ամուսնանալու համար՝ նա խնդրում է Բուդդային, որպեսզի վերջինս փոքրացնի իր չափերը, բայց թողնի մեծ սիրտն ու բնավորությունը: Բուդդան համաձայնվում է, և այդ երկուսից էլ սերում են ՖուԼին տեսակի շները՝ չինական առյուծաշները: Հավանաբար պեկինեսների առաջացումն այդքան էլ այդպես չի եղել, բայց սա լավ պատմություն է:

Այս տեսակն, անշուշտ, հին է, և ԴՆԹ հետազոտությունները նույնպես հաստատել են դրանց՝ հնագույն շներից մեկը լինելու փաստը: Ասում են, որ նրանք Չինաստանում գոյություն են ունեցել ավելի քան 2000 տարի: Ստանալով երկրի մայրաքաղաքի՝ Պեկինի անվանումը, նրանք դարձել են ազնվականների, իշխանների և կայսերական ընտանիքի անդամների ուղեկիցները: Պալատականները նույնիսկ գլուխ են խոնարհել նրանց առաջ։

Պեկինեսը սիրում է հիշեցնել տերերին իր արքայական ծագման մասին և անհամբեր ակնկալում է նրանց փաղաքշանքը, բայց նրան չի կարելի անվանել փխրուն ու խեղճ շուն։ Նա վախ չգիտի և հիանալի զվարճանում է։ Լավ է վերաբերվում երեխաներին, բայց իրեն համարում է տան մեջ առաջինը, ում պետք է ուշադրություն դարձնել։ Եթե նրան ուշադրություն չեն դարձնում և շատ բաներ են արգելում, ապա կարող է խախտել կարգ ու կանոնը, օրինակ՝ ցատկել այն վայրերը, որտեղ արգելված է կամ պարզապես ձանձրույթից խառնել իրերը։ Նա իր բնույթով ինքնուրույն և հպարտ է, բայց, եթե նա ձեզ տա իր ջերմությունը, ապա անշուշտ կգնահատեք նրա նվիրվածությունը։