Հայկ հյուրատուն Սանահինում

Հայկ հյուրատունը գտնվում է Լոռու մարզի պատմական Սանահին գյուղում՝ Սանահին վանական համալիրի և Միկոյան եղբայրների տուն- թանգարանի հարևանությամբ:
Հյուրատունն ունի 4 ննջասենյակ, որտեղ կարող են հյուրընկալվել 13 հոգի: Ունի սանհանգույց՝տաք և սառը ջրով, խոհանոց՝բոլոր հարմարություններով (տաք և սառը ջուր, սառնարան, լվացքի մեքենա, գազօջախ և սպասք) :
Հյուրատունն ունի հյուրասրահ ՝ հանգստի և հաճելի ժամանցի համար բոլոր հարմարություններով (հեռուստացույց, սեղան-աթոռներ, բազմոցներ, wi-fi...), ունի ավտոկայանատեղի:
Հայկ Հյուրատունը գտնվում է բերքատու ծառերով և գեղեցիկ ծաղիկներով շրջապատված այգում, որտեղ կան լիարժեք հանգստի բոլոր բավարար պայմանները (սեղան-աթոռներ, ճոճանակ, գամակ, խորոված պատրաստելու պայմաններ) :
Այգում երեխաները կարող են խաղալ նապաստակների հետ, ինչպես նաև կերակրել ու թռցնել մեր աղավնիներին:
Ցանկության դեպքում կարող ենք կազմակերպել նաև սնունդը (նախաճաշ, ճաշ, ընթրիք) :
Կարող ենք ուղեկցել և ծանոթացնել մեր շրջապատի տեսարժան վայրերին ու պատմամշակութային կոթողներին, որով շատ հարուստ է հինավուրց Սանահինը: